नंदुरबार : देशभरातील लाइनमनबद्दल सन्मान व कृतज्ञता व्यक्त करण्यासाठी केंद्र सरकारने ४ मार्च हा दिवस लाईनमन म्हणून साजरी करण्यात यावा. देशभरात लाइनमन दिवस (Lineman Day) साजरा करण्याबाबत सार्वजनिक व खासगी विद्युत क्षेत्रातील आस्थापनांना सूचना देखील देण्यात आल्या आहेत.
त्या निमित्ताने येत्या ४ मार्च हा महावितरण विभागामध्ये लाइनमन दिवस साजरा करण्यात येणार असून, त्यानिमित्त विविध कार्यक्रम देखील होणार आहेत.जनमित्र म्हणजेच लाइनमन हा महावितरणच्या व्यवस्थेमधील एक अत्यंत महत्त्वपूर्ण घटक आहे.
महावितरणचे जनमित्र ऊन, वारा, पाऊस तसेच इतरही अत्यंत खडतर परिस्थितीत ग्राहकांना सुरळीत वीजपुरवठ्यासाठी चोवीस तास सेवा देतात. त्यांच्या या कामाप्रति कृतज्ञता व त्यांच्या भावना व्यक्त करण्यासाठी या दिवसाचे आयोजन करण्यात आले आहे. सह व्यवस्थापकीय संचालक प्रादेशिक संचालक मुख्य अभियंता, व कार्यकारी अभियंता कार्यालय प्रमुख या कार्यक्रमांत मार्गदर्शन करणार आहेत.
महावितरणच्या राज्यभरातील प्रादेशिक व परिमंडल स्तरावर आयोजित मुख्य कार्यक्रमांमध्ये नियमित व बाह्यस्रोत महिला व पुरुष लाइनमनचा प्रादेशिक संचालक व मुख्य अभियंता यांच्या हस्ते गौरव करण्यात येणार आहे.अनुभव कथन होऊन त्यात त्यांचा सन्मान करण्यात येणार आहे. महिला व पुरुष जनमित्रांनी सहभाग नोंदविण्याचे आवाहन महावितरणकडून करण्यात आले आहे.
Social Plugin